FALANQEYN: Soomaaliyada Cusub Ma tahay eray Bixin laga fiirsaday?

MUQDISHO(P-TIMES)- Xaafiiska Raysalwasaaraha dawladda Faderaalka Soomaaliya ayaa daabacay boor ama warqad weyn oo lagu qoray Erayga SOOMAALIYADA CUSUB, taas ayaa kaliftay in si weyn loogu falanqeeyo baraha Bulshada iyo Saxaafadda Soomaalida.

Si weyn ayaa loo rog-rogey ula jeedada laga leeyahay Eraygan, waxaana Falanqeeyaasha qaarkood ay sheegeen in aad moodo in la gaaray Doorashadii 2021-kii, taas oo ay ula jeedaan in loo muuqdo waqtigii Ole-olaha.

Wasiiru dowlaha Wasaaradda Warfaafinta, Hiddaha, Dhaqanka Iyo Isgaarsiinta ee dawladda Puntland Cabdifitaax Nuur Ashkir oo ah khabiir qore ah, in badana qoraalo ka sameeyey xaaladda wadamada Caalamka iyo Soomaaliya-ba ayaa falanqeyn kooban ka sameeyey Erayga Soomaaliyada cusub.

Ugu horrayn Waxaa Jira laba heer oo Ereyada loo macneeyo;waa tan Kuwaadee (Musdalax) oo ah: Sida Ereyga luuqad ahaan loo Fasiro;Waa tan labaadee (Mafhuum) oo ah:Macnayaal uu Ereyga wadan karo oo ka baxsan tan luuqadda kaliya ah.

haddaba, hal-ku-dhagga ah: “Soomaaliyada Cusub” ma iska tiri Xukuumadda Raysal Wasaare Khayre,mise Macno intaa ka fog oo loo fasiran karo baa jira.

bal aan Ereygaas “Cusub” aan dhawr Tusaale oo dunida ah u soo qaadano

1:Ethopiada aan dariska nahay markii Xisbiga talada haya yimid Xukunka “EPRDF”1991-dii wuxuu ku dhawaaqay “Ethiopia-da Cusub” oo macnaheedu ahaa: Ethopia hal Aragti leh oo talada dalka ay ka arimiyaan dhammaan qowmiyadaha daga,kaniisadda iyo Siyaasaddana la kala furo “Calmaaniyad”.

2: Halgankii Koofurta sudan laga bilaabo 1956-2011 waxaa hal-ku-dhag ayagana u ahaa “Sudaanta Cusub” Oo uu “John Garang” ka qoray Shirkii “Nayfaasha- 2005” ka dib buug uu ugu magac daray “New Sudan” ku sharxayna “New Sudan” in ay ula jeedaan Sudan aan Islam iyo Carab midkoodna awood ku lahayn,lagu baddali doonaana dad isirkooda Pure African yahay, diin ahaana masiixiyiin ka soo jeedaan. 

3:duulaankii lagu bur buriyay Ciraaq 2003-dii Waxaa soo Ifbaxay Eray bixinno ay ka mid yihiin “Nadaamka dunida Ee Cusub” “Mareenkanka Cusub” oo labaduba loola jeedo in la awoodeeyo diintii J.W.Bush Ee ahayd ” Al-Misiixiyuuna Al-Dahraaniyuun” oo ah madhab Cusub Oo Christian ah,loona sameeyay in uu difaaco danaha Yuhuuda iyo Isrial. 

Waa Su’aale Raysal Wasaare Khayre Muxuu ula jeedaa Soomaaliyada Cusub?!

Leave a Comment