DHAGEYSO:- Maamulka Somaliland Oo Ka Jawaabay Hadalkii Madaxweynaha PL Gaas, “Laas-caanood Ma Aha Gaalkacyo”

HARGEYSO(P-TIMES)-Maamulka Somaliland ayaa ka Jawaabay Khudbadii kululeyd ee Madaxweynaha Dowladda Puntland uu ka Jeediyay Furitaanka Kala-fadhiga 41-aad Ee Golaha Wakiilada Puntland, taas oo uu si adag uga hadlay Xaalada Gobalka Sool uuna ku Sheegay in la Xoreyn doono Dhulka Sool.HALKAAN RIIX SI AAD U DHAGEYSATO.

2 Fikrad Ayaa Laga Bixiyay Warkaan “DHAGEYSO:- Maamulka Somaliland Oo Ka Jawaabay Hadalkii Madaxweynaha PL Gaas, “Laas-caanood Ma Aha Gaalkacyo”

  1. Maamul goboleedka Soomaaliya ee Garoowe ee uu ka taliyo Cabdiweli Cali Gaas, ayaa ka hor xaqiijiyey Baarlamaanka gobolkiisa inay ka go’an tahay inuu si sharciga ka baxsan oo xad-gudub ah duullaan ugu qaado gobollo ka mid ah dhulka Somaliland ee ku suntan xuduudaha caalamiga ah ee uu ka tagey isticmaarku, isla markaana hore u ayideen ururka midnimada afrika shirkoodii ka dhacay Qaahira 1964kii, isagoo ku andacoonaya xuduud ku dhisan reernimo, taasi oo haddii si heer caalamiya iyo mid goboleedba wax laga qaban waayo daandaansiga iyo gardarada Cabdiweli ay horseedi doonto in xuduudaha dalalka Afrika aanay ahaan doonin sida ay maanta yihiin, gaar ahaanna kuwa mandaqada Geeska Afrika.

    Cabdiweli Gaas wuxuu fadeexadeeyey oo ceeb aanay geyin dusha u saaray dadka reer Sool ee Sheekh iyo shariifba leh, isagoo ku tilmaamay inay yihiin dad mushahar ku beddesha masiirkooda, iyadoo marka dib loo dhugto taariikhda ay dadka reer Sool yihiin kuwo door shariif ah kaga jira sooyaalka taariikheed ee xornimo u dirirkii Soomaalida, gaar ahaan Soomaliland iyagoo taas mid la mid ah ka qaatay halgankii dib u dhiska qaranimo iyo difaaca JSL.

    Sidaas awgeed, waxaanu leenahay dadka xurmada iyo sharafta leh ee reer Sool xaal ka sii deel qaafkaaga joogtada ah, sidoo kale sidaad ku sheegtay maaha dad ciil qabayaal ah ee waa dad gob ah oo aan weligood yeelin wax cid kale ku sandullayso.

    Waxa kale oo aanu u sheegaynaa Cabdiweli Gaas in Laascaanood aanay noqonaynin waqooyiga Gaalkacayo, Buuhoodlena noqonayn Qardho, sidaas darteed waxaa u habboon inuu dadkiisa ka daayo beenta iyo beerlaxowsiga uu kursigiisa ku xejisanayo ama uu ku sallaxanayo muddo korodhsi ku salaysan marmarsiiyo colaadeed oo ah dagaalka uu kaga dhawaaqay maanta baarlamaanka Garoowe hortiisa.

    Riyada beenta ah ee maamul-goboleedka Garoowe, waxaanu kor iyo hoosba ugu bayaaminaynaa, uguna celcelinaynaa in gobollada uu sida gardarada ah ugu taamayaa ay ka mid yihiin, kana mid ahaan doonaan waligood dhulka JSL, Cabdiweli iyo cid kale oo wax ka beddeli karta xuduudahayagana aanay jirin, annagoo ciidan iyo shacbiba heegan u ah inaanu dacar leefsiino cid kasta oo nagu soo xadgudubta.

    Ugu dambayn, waxaanu xasuusinaynaa maamulka Garoowe in Somaliland ay marwalba diyaar u tahay in wada-hadal nabadeed lagu dhammeeyo arrinta u dhexaysa Somaliland iyo Soomaaliya, iyadoo la raacayo qoddobadii hore labada dhinac ugu heshiiyeen ee ka soo baxay shirkii London ee Feberwari 2012kii, qoddobadaasi oo ka fuli waayey dhinaca Soomaaliya, sida “in wadahadallada labada dhinac xuduudahoodu noqdaan sidii labadii dal ee ay kala xukumi jireen Ingiriiska iyo Talyaanigu.” Wixii ka horreeyey 26kii June 1960kii.”

    Reply
  2. Kan wagar labaxaw sxb waxa jirtay hashu geela ayadaa cunaysa iyadaana cabaadaysa wayadoo aysan haboonay in jawaab xalaal ah lagu siyo hadana kalay soomaali qalbiga ka jiran baa tahay in lagu dabiibo weye su aal dhuka ma somali baa leh mise igriis 2 maxoogbaa ku joogtaa mise rabitaan kalay boroor iyo qaylo maanta waxba tari mayso dhulka dadkii lahaa watashadeen idoor waxaana lagu gabagabeeyay hadiyada hubka iyo gaadidka ay keeneen sool sanaag iyo cayn in inta ugu danbaysa looga reebo labida gaatamo loo yaqaan sidaas idoorkaaga u sheeg caalam idin soo gurman ma jiro anagaa miciin idin ah wax ma ogaw dalku dadbuu leeyahay dadkuna dalbuu leeyay cayadana adaa mudan oo hunguri aan gacmo lahayn la ordaya intaas j w b talo islaamnimo mid somalinimo iga hooya iidooraw anagu dhiigiina iyo maalkina iyo dhulkiina mana rabno kaayaga nagu filan inata aad badqabtaan naga guura hadii kale waxadka heshan hala barooranina bari

    Reply

Halkaan Ku Qor Fikirkaada