DEG-DEG+AKHRISO: Tirada Dhimashada Qaraxyadii Muqdish oo korortay & Meydka Mulkiilihii..

MUQDISHO(P-TIMES)-Waxaa isa soo taraya khasaaraha ka dhashay qaraxyo ismiidaamin ah oo galabta ka dhacay magaalada Muqdisho, gaar ahaan Hotelka Saxafi iyo agagaarka Xarunta CID.

Goobjoogayaal ayaa sheegaya in dadka dhintay ay ka badan yihiin 15 ruux oo ahaa dad rayid ah oo ahaa dadkii wadada marayay.

Wararku waxaa ay tilmaamayaan in Dadka Dhintay uu Ku jiro Mulkiilihii Hotelka Saxafi, oo aabihiis Weerarkii 1-Nev-2015 Al-Shabaab Ku Qaaday Hotelkan lagu dilay.

Qaraxyada ayaa dhacay xilli wadada mashquul aheyd, gawaari fara badan ay wadada laamiga hormarta Hotelka Saxafi ay marayeen.

Mid ka mid ah gawaarida qaraxa uu saameeyay ayaa ahaa gaadiidka dadweynaha oo ay dad badan saarnaayeen xilliga gaariga waxyaabaha qarxa laga soo buuxiyay uu ku qarxayay wadada Laamiga ee Hotelka Saxafi.

Wariyeyaal goobta tagay ayaa soo sheegaya in dhimashada ay ka badnaan karto tiradaas, isla markaana uu jiro burbur xoog leh oo uu sababay qaraxyada.

Ilaalada Hotelka ayaa toogtay afar dabley oo isku dayay inay dhabarka dambe ka soo galaan Hotelka, kaddib markii ay baabuur qaraxyo ah ku weerareen albaabka hore.

Ciidamada ammaanka ayaa goobta gaaray, waxaana socda gurmadka dadkii ku dhaawacmay qaraxyada oo loola cararay Isbitaalada Muqdisho.

Al-Shabaab ayaa sheegatay mas’uuliyadda qaraxyada ismiidaamin ee lagu weeraray Hotelka Saxafi iyo agagaarka Xarunta CID.

3 Comments

  1. Siciid Xirsi says:

    Duuf ku baxe Farmaajo waa madaxweynaha geerida iyo burburka.

    Kursiga madaxweynaha ka deg maxa yeelay uma aadan dhalan madaxtinimo ilkoyar boon marexaan of Jubbaland ayaa soomali ka tahay.

  2. Kenadiid says:

    Muqdisho caasimada ha laga raro maxa yeelay meel amaan leh mahaan, Muqdisho xarunta qaraxyada iyo qaarajinta waaye.

    Gaalkacyo ama Bosaso ayaa uu qalma caasimada dalka.

  3. Abduweli says:

    Maankiisa waxaa ku qufulan kacaankii uu ku dhex korey. Xilka uu hayo waxuu u yahay xil uu dhaxal u helay. Hantida qaranka waxay ula mid tahay hanti gaar ahaaneed. Wakhtiga’na waxuu ku beeldareeyey gancin madax shisheey. Wakhtiga u haray waxuu ku dhamaysan la dagaalan cid kasta oo uu isleeyahay tartan bay kula galin dorashada 2020

Leave a Comment