Qiimaha Xajka Ee Somaliya Oo La Go`aamiyay , Imisa Ayaa Sanadkaan Lagu Soo Xajinayaa ?

Guddigaan oo ay dhawaan Magacaawday Xukuumadda Soomaaliya si ay Go’aan uga gaaraan shirkadaha u tartamaya Xujeyda Soomaalida ee Sanadkaan iyo qiimaha Xajka sanadkaan ayaa  soo gudbiyey go’aanadooda.

Suldaan Cabdi Qani Qorane oo ka mid ah xubnaha Guddiga oo Akhriyey Go’aankooda ayaa sheegay in tirada Soomaaliya loo ogolaaday ay gaarayaan 11,500 oo Xaaji,isla markaana Wasaaradda Diinta iyo Awqaafta ay 3-dii Bishaan Apriil go’aamisay in Shirkadaha ka qeyb galaya tartanka inay ku Shaqeeyaan nidaamka Xablooyinka oo hoostagaya marsada ayna ka qeyb galaan tartan furan oo ku dhisan fursan loo siman yahay.

Sidoo kale waxa uu Suldaanka ka hadlay qodob ay xujeyda ka walacsanaayeem Xujeyda oo ah qiimaha,waxaana uu sheegay in qiimaha Xajka ee sanadkaan uu yahay $3600 oo Dollar halka qiimaha ugu sareeya ee vip-da ay tahay 5,000 oo Dollar.

Geba-gabadii waxa uu sheegay in tartankii la galay ee Shirkadaha ay ku guuleysteen 58 shirkadood,isaga oo soo bandhigay Magacyada Shirkadaha Diyaaradaha ee  guuleystay.

1 Comment

  1. guddigu waxma kama aany beddelin wixii horay jirey ee bulshadaislaam ka ahi ku dhib qabeen oo ahaa qiimaha xajka ee sicir bararka ah. 3600 aad ayey qaali u tahay culaysna badnweeyan oon laga bixi karin

Leave a Reply

Your email address will not be published.