Guddiga Doorashooyinka Soomaaliya oo la kulmay hay’adaha caalamiga ee daneeya Doorashooyinka Soomaaliya

Xarunta Qaramada Midoobay ee magaalada Muqdisho waxaa kulan ku yeeshay GMDQ iyo hay’adaha caalamiga ee taageera doorashooyinka Soomaaliya.

Kulankan oo ahaa mid xog is dhaafsi ah ayaa intuu socday waxaa heerka diyaar garowga Guddiga ka war bixisay guddoomiye marwo Xaliimo Ismaaciil Ibraahim.

Guddoomiyuhu waxay si qota dheer ka qeyb galayaasha ugu faah-faahisay halka ay Guddiga wax u marayaan, hawlaha muhiimka ah ee qabsoomay, kuwa gaabiska ku jira iyo kuwa hakadka ku jira intaba.

Guddoomiyuhu waxay sidoo kale shirka ka sheegtay in culeysya dhaqaale iyo kuwo farsamo ay gaabiska iyo hakadka hawlaha qaar ay sabab u yihiin.
Dhankooda hay’adahan caalamiga ee daneeya doorashooyinka Soomaaliya ee shirka joogay ayaa muujiyay sida ay ula dhacsanyihiin wax qabadka Guddiga iyada oo ay ku hor gudbanyihiin caqabo siyaasadeed, kuwa dhaqaale iyo kuwa farsamo.

Ugu danbeyntii hay’aduhu waxay ballan qaadeen in ay Guddiga ka taageeri doonaan sidii waddanka ay uga hirgeli lahaayeen doorasho qof iyo cod ah markii ugu horreysay muddo 50 sano ah.

Be the first to comment

Leave a Reply

Your email address will not be published.


*