AKHRISO: Soomaaliya oo hanjabaad kulul u dirtay Kenya.

Dowladda Federaalka Soomaaliya waxa ay ugu yeeraysaa Dowladda Kenya in ay si deg-deg ah u joojiso xadgudubyada ka dhanka ah madaxbannaanida Soomaaliya iyo falalka xasillooni darrada ah ee ay ka waddo xuduudda labada dal.

Xukuumadda Federaalka Soomaaliya oo muddo badan ka dhur-sugaysay in hoggaanka dalka Kenya ay garowsadaan muhiimadda xiriirka taariikhiga ah ee labada dal iyo iskaashiga dhaqan-dhaqaale, amni iyo siyaasad ee ka dhexeeya labada shacab iyo labada dowladood, ayaa waxaa ka go’an in ay qaaddo tallaabo kasta oo diblumaasiyadeed oo ay ku gudaneyso waajibaadkeeda dastuuriga ah ee la xiriira ilaalinta midnimada iyo madaxbannaanida Jamhuuriyadda.

DFS waxa ay bogaadineysaa hiilka dalalka Gobolka iyo guud ahaan Qaaradda Afrika ee sida walaaltinimada leh ugu soo gurmaday shacabka iyo Dowladda Soomaaliyeed, iyagoona u soo diray ciidamo ka qeyb qaata in dalka laga xoreeyo argagixisada, balse waxa ay adkaynaysaa in aysan marnaba aqbalayn in dalalka qeybta ka ah howl-galka Ciidanka Nabad Ilaalinta Afrika ee Soomaaliya (AMISOM) ay u adeegsadaan xubinnimadooda dano u gaar ah, fara-gelinta arrimaha gudaha iyo hab ka baxsan awoodda sharciyeed ee ay ku joogaan Jamhuuriyadda Federaalka Soomaaliya.

Dowladda Federaalka Soomaaliya ayaa xusuusinaysa dhiggeeda dalka Kenya daris wanaagga iyo ilaalinta xasilloonida gobolka, inkastoo hab-dhaqanka cusub ee Dowladda Kenya uu kasoo horjeedo qarannimada Soomaaliya, curfiga caalamiga, mabaadi’da Ururka Midoowga Afrika, heshiisyada labo geesoodka iyo nabadgalyada guud ee Gobolka.

1 Comment

  1. Way Dadaashay Dowlada Soomaaliya
    Laakiinse Nuxurka Hadalku Waa Daciif!; Mana Qeexna Waxa Laga Digaayo

    Shalay Digniin Cad Ayaa Kenya Loodiray Waxayna Ahayd Inay Kenya Dalka Soomaaliya Gabi Ahaanba Kabaxdo Oo Ay Kujirto (NFD).
    Hadii Ay Kenya Fulinwaydana Ay
    Kenya Mas’uuliyada Ay Qaadi Doonto Ayna Kashalaayidoonto.

    Hadaba Waxay U Muuqataa Inay Dowladda Fedaraala Ahi Ay Carqaladayneeyso Jawaabtii Shalay Loodiray Dowlladda Kenya??

    Fadalan Puntland Times Gudbiya Figradaha Dadweynaha Fariimo Badan Oo Aankasokdhiibtey Qoraaladiin Ama Shabakadiina Waadqariseen.

Leave a Reply

Your email address will not be published.


*