XOG: Mooshin ka socda Garoowe & M/weyne Deni oo codsi u diray guddoonka barlamaanka.

Puntlandtimes (Garoowe)-Warar hoose oo warbaahintu heshay ayaa sheegaya inuu magaalada Garoowe ka socdo abaabul mooshin lagu burinayo wax-ka beddelkii xeer-hoosaadka ee Baarlamanka Puntland ansixiyay Kal-fadhigii ugu damebeeyey ee ay golaha wakiiladu ku yeesheen Garoowe.

Qaar ka mid ah xildhibaanada baarlamaanka Puntland ayaa sheegay in uu soo noqday abaabul hoose oo ku saabsan in Kal-fadhiga soo socda lagu buriyo wax-ka beddelkii Xeer-hoosaadka Baarlamanka.

Dhanka kalena, xildhibaanada qaar ayaa  sheegay in madaxweyne Deni uu guddoonka Baarlamanka ka codsaday in hal maalin lagu daro wakhtiga furitaanka Kalfadhiga oo ku beegan 25-ka bishan October 2021, xilligaasi oo ay 3 degmo oo Puntland katirsan ka dhici doonto doorasho dadweyne.

Arrinta muranka badan dhalisay ee waxka bedelka xeer hoosaadka barlamaanka lana ansixiyey kal-fadhigii hore waxa ku jiray qodoba muran dhaliyay oo uu kamid yahay in guddoonka iyo xildhibaannada lagu ridi karo 44 cod.

Be the first to comment

Leave a Reply

Your email address will not be published.


*