UPDATE: Ra’iisul Wasaare Rooble oo ku dhawaaqay xaalad deg-deg ah, baaqna soo saaray

Ra’iisul Wasaaraha Soomaaliya Maxamed Xuseen Rooble ayaa goor dhowayd ku dhowaaqay inay dalka ka jrto xalad deg deg ah oo bani’aadaminnimo.

Ra’iisul Wasaaraha ayaa hadalkan ku baahiyey bartiisa twitterka. Waxa uu sheegay inuu tallaabadan u qaaday sababtoo ah abaaraha waddanka ku dhuftay.

Ra’iisul Wasaaraha ayaa ku baaqay kaalmo dibedda iyo gudaha labada ka timaada si dadka abaaruhu saameeyeen loogu gurmado.

Qaramada Midoobay ayaa tododbaadkan sheegtay inay abaartu saamaysay 80% waddanka kadib markii saddex xilli oo isku xigta la waayey roobabkii.

Hay’adda Cuntada iyo Beeraha ee FAO ayaa ka digtay in xaaladda abaaruhu kasii dari doonaan bisha December ee soo socota iyo saddexda bilood ee ugu horreeya sannadka 2022-ka.

Abaarta ayaa la sheegay inay si daran ugu dhufatay gobollada Koonfurta iyo Bartamaha dalka. Meelaha sida aad ah ay u saamaysay waxaa ka mid ah gobollada Jubada Hoose, Gedo, Hiiraan, Bay iyo Bakool iyo gobollo kale.

PUNTLAND TIMES

1 Comment

  1. ILAAHOOW SOOMAALI DHIBTA KA QAAD
    AAMIIN

    Soomaali uun baa laga helaa Madaxweyneyaal
    ( Shariif iyo xasan Sheekh )
    deegaankooda Alshabaab heysato iyo Madaxweyne ( Farmaajo ) deegaankiisa biyo la’aan loogu dhamaanayo.

    Dadka qabiilka madax-maray ee halkaan wax ku soo qora ha ku tusaale qaataan hana ka waantoobaan in nin danbe oo siyaasi ah loogu shacab-tumo qabyaalad.

Leave a Reply

Your email address will not be published.


*