Al-Shabaab oo khasaare xooggan kasoo gaaray dagaalkii Baxdo

Ugu yaraan 40 ka mid ah maleeshiyada kooxda Al-Shabaab ayaa lagu dilay deegaanka Baxdo ee gobolka Galguduud, kaddib markii dadka deegaanka iyo ciidamada Galmdug oo is garabsanaya ay ka hortageen weerar ay Al-shabaab ku soo qaaday deegaanka Baxdo.

Dadka deeganka Baxdo ayaa sidoo kale soo bandhigay saddex kamid ah maleeshiyada oo dagaalka lagu qabtay.

Khasaaraha kasoo gaaray dadka deegaanka iyo ciidanka Galmudug ayaa lagu sheegay toddoba qof oo dhimasho ah iyo tobaneeyo kale oo dhaawac ah.

Ciidamada ammaanka ayaa sidoo kale soo bandhigay gaari laga soo buuxiyay qaraxyo, kaas oo ay wateen maleeshiyada Al-shabaab.

Xaaladda Baxdo ayaa galabnimadan deggan, iyadoo ay deegaanka soo gareen ciidamo gurmad ah kuwa dowladda iyo kuwa Galmudud.

PUNTLAND TIMES 

2 Comments

  1. Waan ku faraxsanahay in khawaarijta xarakada shabaabul mujaahidiin maanta la xasuuqay! Hambalyo reer Baxdo

Comments are closed.